Во месноста Којник во Велес на ул. „Кирил Пејчиновиќ“ бр. 13, синоќа околу 21 часот изгоре стар дел од куќа, пренесува МИА.
Во пожарот нема жртви и со навремена интервенција на соседите кои пријавиле во пожарната и први интервенирале додека пристигнала екипа на противпожарната единица,било спречено пожарот да се прошири на новиот дел од куќата и на околните куќи.
Според информацијата од ППЕ во Велес, пламенот преку керамидите излегувал доста високо и се заканувала опасност да бидат зафатени електричните кабли на бандерите на улицата.
Пожарникарите интервенирале со две возила и за кратко време огнот најпрво бил ставен под контрола,а потоа и изгаснат,некаде околу 23,30 часот.
Увид на лице место направила екипа на велешката полиција која работи на утврдување на причините на пожарот и настанатата штета.