понеделник, 27 март 2017  |  Вести денес: 60

Позната возраста на загинатите родители кај Демир Капија, детето се бори за живот

Брачниот пар што утрово го загуби во тешка сообраќајна несреќа на магистралниот пат Удово – Демир Капија бил на возраст од околу 40 години.

kliniki-brza-pomos-urgenten

Поврзани вести

Брачниот пар што утрово го загуби во тешка сообраќајна несреќа на магистралниот пат Удово – Демир Капија бил на возраст од околу 40 години.

Нивното седумгодишно дете, за кое првично имаше информации дека е неповредено, се наоѓа во тешка здравствена состојба, објави Телеграф повикувајќи се на болнички извори.

Од болнички извори дознаваме дека момчето, поради сериозноста на повредите, е пренесено на КАРИЛ – Клиника за анестезија, реанимација и интензивно лекување. Од болницата не можеа да кажат со какви повреди се здобило момчето, освен тоа дека неговата состојба бара интензивен лекарски третман, пишуѕа порталот.

Со него во болницата се наоѓаат неговите баба и дедо, кои во секој момент очекуваат добри вести.

Сообраќајката се случи утрово околу 7 часот на патот Удово – Демир Капија, кај месноста Свети Петка. Во неа учествуваа автомобил „фиат сеиченто“ и автобус на „Струмица експрес“. На самото место почина мајката Б.П., а таткото Н.П., кој го возел автомобилот, почина подоцна во болница.

Засега нема информации за повредени патници во автобусот. Според последните информации што ги добивме од МВР, увидот сè уште трае и оттаму не можеа да соопштат детали како дошло до несреќата. Инаку, како што дознаваме, родителите биле на возраст од околу 40 години, живееле во скопски Капиштец, а повреденото момче им било единствено дете.

Најчитани вести