четврток, 25 мај 2017  |  Вести денес: 37

Православните христијани го слават Духовден

Денеска се слави Света Педесетница ­ Духовден (Св. Троица) ­ педесет дена по Велигден Празник на Светиот Дух и на основањето на христијанската црква.

duhovden

Поврзани вести

Денеска се слави Света Педесетница ­ Духовден (Св. Троица) ­ педесет дена по Велигден Празник на Светиот Дух и на основањето на христијанската црква.

На овој ден се исполнило Христовото ветување за доаѓањето на Светиот Дух ­ Духот на Вистината, Утешителот, Силата одозгора, ветувањето на Таткото, што Христос им го даде заповедувајќи им на апостолите да не се одалечуваат од Ерусалим додека тоа не се случи. Празникот Духовден спаѓа меѓу големите Господови празници.

Се празнува десет дена по Спасовден (Вознесение Христово), а педесет дена по Велигден (Воскресение Христово). Се вика и Педесетница не само затоа што се празнува педесет дена по Велигден туку и затоа што настанот се случил точно на еврејскиот празник Педесетница што Евреите го празнувале во спомен на денот кога Господ му ги дал на Мојсие законите во Синајската Гора.

Во народот овој празник најчесто е поврзан со душите на умрените, а и обичаите што се изведуваат на овој ден се поврзани со тие верувања. Духовден се празнува три дена, а првиот ден од празникот секогаш е во недела. Овој е единствен од дванаесетте големи празници што нема претпразненство. Тоа се надоместува со фактот што во текот на целиот период од Велигден до Духовден се чувствува празничното расположение. На овој празник редовно му претходи задушница што се празнува во саботата пред Духовден, кога се изведуваат повеќе обичаи што им се наменети на покојните предци.  Се верува дека душите на покојните предци доаѓаат од оној свет кај своите најблиски, барајќи од нив храна, вода, но и за да ги видат.

Денeка, пак, не се оди на гробишта, бидејќи е Духовден. Тоа не е празник на мртвите, туку празник на Светиот дух и воспоставување на црквата на земјата.

Најчитани вести