Осумдесет годишна жена од Кавадарци била прегазена од автомобил синоќа во кавадаречкото централно подрачје, информираше денеска Анита Стојковска, портпарол на СВР Велес.
Старицата се здобила со повреди и била пренесена во Јавната здравствена установа Општа болница во Кавадарци.
Синоќа во 20.45 часот на крстосницата од улиците „7 ми Септември“ и „Димката Ангелов Габерот“ во Кавадарци, случена е сообраќајна несреќа во која патнички автомобил марка „фиат пунто“ со кавадаречки регистерски ознаки, управуван од 20- годишен жител на Кавадарци, удрил во пешак, 80 годишна жена од Кавадарци, појасни Стојковска.
Увид на лице место извршила увидна екипа од Полициска станица Кавадарци.
