Од МНТ соопштуваат дека режисерот Јацек Гломб и целата актерска екипа биле задоволни како македонската публика го прифати овој театарски чин кој зборува за трагичните судбини и страдањата на децата од Егејскиот дел на Македонија кои завршуваат во Полска, децата кои ја преживеале голготата на граѓанската војна во Грција, 1948 година.
Во рамките на претставата „Прекината одисеја“ е отворена и изложбата насловена како “Децата бегалци”, подготвена во соработка на МНТ и Музејот на Македонија, а ќе биде од патувачки карактер и ќе патува заедно со претставата во Македонија и Полска.
Прекината одисеја од 20-ти до 29-ти септември ќе биде прикажана во повеќе градови низ Македонија, а во ноември македонската актерска екипа патува за Полска каде ќе гостува во 10 градови, меѓуостанатото и во Вроцлав, градот на европската култура.
Проектот е поддржан од министерствата за култура на двете земји и е од големо значење за продлабочување на заедничката соработка, наведуваат во соопштнието.