Крими хроника

Претепани две момчиња пред гостиварската гимназија

Претепани две момчиња пред гостиварската гимназија

Еден 21-годишник и еден малолетник на возараст од 16 години, синоќа биле згрижeни во гостиварската болница откако биле нападнати од десетина момчиња, јави МИА.

Според СВР Тетово, поголема група најверојатно средношколци, на улицата „Живко Брајковски“ пред гостиварската гимназија, нападнале и со клоци и тупаници удирале еден 16-годишник. Во обид да го спречи нападот и да го одбрани момчето, се вмешал и 21-годишен гостиварец, кој случајно се нашол во близина. Групата се нафрилила и на него, нанесувајќи му повеќе повреди по телото и главата. Двајцата побарале помош во гостиварската болница, а повозрасниот е задржан на лекување.

По пријавувањето, гостиварската полиција работи на расветлување на поединостите кои довеле до ова нарушуавње на јавниот ред и мир и идентификување на учесниците.