Македонија

Претпладне сонце, попладне дожд

Претпладне сонце, попладне дожд

Времето претпладне во Македонија ќе биде сончево со мала до умерена локална облачност, а попладне ќе има локален развој на нестабилна облачност проследена со пороен дожд и грмежи, претежно во западните делови од земјава и во планинските региони, пренесе МИА.

Утринската температура ќе се движи од 13 до 20, а дневната од 20 до 37 степени.

Во Скопје претпладне ќе биде сончево со мала до умерена облачност, а попладне ќе има услови за појава на краткотраен пороен дожд. Утринската температура ќе се спушти до 18, а дневната ќе се искачи до 36 степени.

За време на викендот во попладневните часови ќе има локални поројни врнежи од дожд и појава на грмежи.

Во недела нестабилноста ќе биде поизразена и ќе се задржи во текот на ноќта, како и во понеделник. Наместа ќе има пообилни врнежи од дожд, посилни електрични празнења и повремено засилен ветер, некаде во форма на невреме и појава на град.

Во почетокот на наредната седмица дневните температури ќе опаднат за околу четири степени.