Претседателот на Република Македонија Ѓорге Иванов утре во Охрид ќе присуствува на церемонија на која ќе се додели „Бело знаме“, како симбол на чисто и еколошки третирано крајбрежје на тој дел од Охридското езеро.
Целта на проектот „Бело знаме“, организиран од страна на „Глобално здружение за подигање на свеста за подводниот свет – ГУВАА“ од Норвешка, е поголема еколошка одговорност кон водните ресурси и подигање на свеста за последиците од загадувањето на водите.
Ова ќе биде прво доделено „Бело знаме“ во Република Македонија.
Глобален амбасадор на ГУВАА е актерот Арманд Асанте, додека амбасадор за Република Македонија е музичарот Влатко Стефановски.