Претседателот на Словенија денеска во посета на Србија

Претседателот на Словенија, Борут Пахор денеска доаѓа во дводневна посета на Србија на повик на претседателот на Србија, Томислав Николиќ.

На претседателот на Словенија со која доаѓа и економска делегација најпрво ќе му биде приреден свечен дочек пред Палатата Србија по што ќе има разговор со претседателот Николиќ. Потоа разговори ќе имаат државните делегации на Србија и Словенија, а потоа двајцата претседатели ќе потпишат политички декларации.

Пахор утре ќе се состане и со премиерот на Србија, Александар Вучиќ соопштија од Владата на Србија.

Најавено е дека словенечкиот претседател ќе положи венец на Споменикот на непознатиот борец на Авала.

Пахор во работна посета на Србија беше во мај, минатата година а Николиќ ја посети Словенија во јуни минатата година.

Доколку преземете содржина од оваа страница, во целост сте се согласиле со нејзините Услови за користење.