Едукативна работилница на тема „Детскиот развој во предучилишниот развој“, се одржа во просториите на ЈУДГ „Буба Мара“, на која учествуваа родителите, воспитниот тим на градинката, како и стручниот тим на детската градинка „Детска Радост“ од Скопје.
Целта на оваа едукативна работилница е промовирање на раниот детски развој и запознавање на учесниците со фазите на говорот кај децата.
Исто така, на работилницата се разговараше за потребата од воспоставување социјална интеракција на децата со децата и на децата со возрасните, при што учесниците се запознаа со емоциите кај децата, стекнување навики за здрав живот кај децата во предучилишниот период, како и влијанието на физичките, ликовните и музичките активности врз развојот на децата.