Прием по повод кандидатурата на Македонија за член во Советот на Меѓународната телекомуникациска унија

Во рамки на учеството на деветтиот Форум за интернет владеење кој се одржува во Истанбул, Турција, денес министерот за информатичко општество и администрација одржа прием и свечен работен ручек по повод промоција на кандидатурата на Република Македонија за член во Советот на Меѓународната телекомуникациска унија.

Настанот се одржа во хотелот Риц-Карлтон во Истанбул под покровителство на Акан Сувер, претседател на Мармара груп фондацијата и пријател на Република Македонија и во соработка со Генералниот конзулат на Република Македонија во Истанбул.

На приемот присуствуваа Хулин Жао, заменик-Генерален секретар на Меѓународната телекомуникациска унија, г-дин Вујица Лазовиќ вицепремиер во Владата на Црна гора, г-ѓа Гизела Копер Министер за информатички технологии на Коста Рика, заменик министерот за комуникации и информатички технологии на Република Азербејџан г-дин Елмир Велизаде, г-ѓа Меган Ричардс, челник на Делегацијата на Европската комисија во IGF, високи претставници од САД, директори на национални регулатори во областа на телекомуникациите, и други еминентни гости.

Настанот особено го збогати учеството на г-дин Винт Церф, иноваторот на Интернетот кој изрази своја поддршка на кандидатурата на Република Македонија за член на Советот на Меѓународната телекомуникациска унија.

Доколку преземете содржина од оваа страница, во целост сте се согласиле со нејзините Услови за користење.