Крими хроника

Прилепчанец го загуби животот во сообраќајка на патот Прилеп – Македонски Брод

Шеесет и пет годишниот прилепчанец Ц.М. вчера го загуби животот во сообраќајна несреќа која вчера околу 10:30 часот се случила на регионалниот пат Прилеп – Македонски Брод.

-На планинскиот превој „Барбарос“,  се случила сообраќајна незгода во која Ц.М. управувајќи товарно возило „Сканија“ со прилепски регистарски ознаки, сопственост на ДООЕЛ „Смит-Транс“ – Прилеп, движејќи се  во правец  на Македонски Брод, изгубил контрола над возилото и се превртел на коловозот, при што  починал на лице место, информираат од полицијата.

Увид  на местото на настанот извршила екипа од ПС  Македонски Брод. Сообраќајот беше во целосен прекин од 10.30 до 19.25 часот.