Свет

Припадници на обезбедувањето на аеродромот во Виена шверцувале имигранти

Припадници на обезбедувањето на аеродромот во Виена шверцувале имигранти

Припадници на обезбедувањето на аеродромот во Виена се обинети дека организирале патување на илегални имигранти во авиони за САД и Велика Британија, соопшти австриското обвинителство.

На тој начин биле превезени најмалку 11 лица, кои не биле подложени на проверка од пограничната полиција и кои добиле вистински авионски билети, пишува весникот „Курир“.

Двајца припадници на обезбедувањето по потекло од Шри Ланка се во притвор, а се води истрага против вкупно 13 лица, изјави портпаролот на обвинителството.

Тие работеле за фирма, поврзана со австриската авиокомпанија „Аустријан дерлајнс“. Осомничените купувале билети преку пријатели, а потоа им ги давале на „клиентите“ и ги внесувале во патничката зона преку службен влез.

Повеќето илегални имигранти биле граѓани на Шри Ланка. За услугата осомничените добивале од седум илјади до девет илјади евра по патник.