Крими хроника

Приведен Албанец со забранет влез во Македонија

Приведен Албанец со забранет влез во Македонија
Приведен Албанец со забранет влез во Македонија

Во дворот од селската џамија во Жеровјане синоќа затекнат и приведен е 20-годишниот албански државјанин Е.Д, кој непријавено престојувал на подрачјето и имал забранет влез во нашата земја.

По приведувањето и задржувањето предаден е на Отсекот за прекуграничен криминал, миграции, странции и реадмисија, информираат од СВР Тетово.

Вчеравечер околу 21.30 часот, пак, на регионалниот пат Маврово-Дебар, во месноста „Бошков мост“ во товарно возило „МАН“ со гостиварски регистерски таблици, управувано од 47-годишен гостиварец, затекнат е 40-годишниот албански државјанин С.У, кој не поседувал никакви документи и непријавено престојувал на подрачјето.

Истиот е предаден за натамошна постапка на Отсекот за прекуграничен криминал, миграции, странци и реадмисија во Дебар.