Македонија,Крими хроника

Приведени дванаесет лица во големата полициска акција

Приведени дванаесет лица во големата полициска акција
Голема полициска акција во Арачиново

Дванаесет лица се приведени во големата полициска акција што се спроведуваше утрово. Меѓу приведените е и висок функционер во Основниот суд во Куманово.

Од Основното Јавно обвинителство соопштуваат дека е донесена наредба за спроведување на истражна постапка против 12 лица, приведени во полициската акција која во текот на ноќта и утринава се спроведуваше во повеќе градови во земјава.

Едно од осомничените лица се гони за сторени кривични дела „Злосторничко здружување“ и „Злоупотреба на службената положба и овластување“ кој ги сторил вршејќи висока функција во Основниот суд Куманово.

Останатите единаесетмина се гонат за сторени кривични дела „Злосторничко здружување“, „Лихварство“, „Изнуда“ и „Криумчарење мигранти“.

Ценејќи дека се исполнети законските основи, надлежен обвинител предложи до Судијата на предходна постапка од Основниот суд Скопје 1 Скопје за сите дванаесетмина да се определи мерка Притвор. Истрагата во надлежното обвинителство продолжува, се вели во соопштението.