четврток, 1 декември 2016  |  Вести денес: 30

Продолжуваат меѓупартиските разговори

Продолжуваат разговорите меѓу претставниците на четирите политички партии потписници на Договорот од Пржино за отворените прашања што го попречуваат решавањето на политичката криза.

partii-razgovori

Поврзани вести

Продолжуваат разговорите меѓу претставниците на четирите политички партии потписници на Договорот од Пржино за отворените прашања што го попречуваат решавањето на политичката криза.

Вчерашните разговори што се оддржаа во резиденцијата на амбасадорот Џес Бејли завршија без договор.

На средбата се дискутирало за ингеренциите на министерот за внатрешни работи и за мандатот на министрите од опозицијата во техничката влада.

Американскиот амбасадор во Скопје Бејли по завршувањето на средбата изјави дека не е постигнат договор меѓу партиите, но изрази надеж дека тоа може да се случи наскоро. Најави дека разговорите ќе продолжат денеска.

Не можам да потврдам дека имаме договор. Она што можам да го кажам е дека на маса има нова интересна идеја. Како што кажав и во петокот овој договор е многу важен за земјата, важен е за Европската унија и САД. Партиите ќе ја разгледаат можноста и ќе продолжиме утре, рече Бејли.

Претставниците на политичките партии кои учествуваат на преговорите, Никола Тодоров од ВМРО-ДПМНЕ,  Радмила Шеќеринска од СДСМ, Артан Груби од ДУИ и Имер Алиу од ДПА, не дадоа изјава за медиумите.

Поради отсуството од земјата на амбасадорот на ЕУ Аиво Орав, кој е на консултации во Брисел, вчерашната средба на преставниците на политичките партии се одржуваше во резиденцијата на американскиот амбасадор во Скопје.

Инаку по повод отворените прашања во меѓупартиските разговори вчера изјава даде претставникот на ВМРО-ДПМНЕ во разговорите Никола Тодоров. Изјавата на Тодоров проследете ја на следниот линк.

Најчитани вести