Некогашниот холивудски филмски продуцент Харви Вајнстин, денеска е уапсен откако и се предаде на полицијата во Њујорк поради обвинувањата за сексуално вознемирување, објави Ројтерс.
Додека се пријавувал во полицијата хеликоптери го надлетувале теренот, а биле собрани десетици фотографи. Продуцентот во њујоршката полиција влезе држајќи три книги во рацете.
Повеќе од 70 жени го обвинија Вајнстин за сексуално вознемирување, вклучително и силување, а некои обвинувања се постари и од неколку децении.
Се очекува дека Вајнстин ќе биде обвинет за силување на една жена и принудување на друга жена на орален секс. Тој претходно демантираше дека имал сексуални односи без согласност од другата страна.
