На саемот за вработување и пракса „Контакт“ кој се одржува на Технолошко-металуршкиот факултет во Скопје, ЕВН Македонија ги презентира отворените програми за практикантска работа и за вработување млади и стручни кадри „Trainees 2015“.
Како и секогаш, велат од ЕВН Македонија, интересот на студентите е голем за програмите кои им ги овозможува компанијата, бидејќи таа е веќе препознаена како сигурен и отворен партнер за соработка и развој на кариерата на младите и стручни кадри. Програмите се атрактивни и заинтересираните ќе можат да се пријават за посетување практикантска работа до 31 мај 2015 на praktikum@evn.mk , а за „Trainees 2015“ до 30 април 2015 на work@evn.mk .
Минатата година практикантска работа во ЕВН посетувале 57 студенти, 23 биле дел од „Trainees“ програмата. Во моментот ЕВН Македонија стипендира вкупно 14 студенти.
ЕВН Македонија и натаму ќе остане доследна на своите определби да го поддржува образовниот процес во земјава и да биде вистинското место каде младите ќе се дообразуваат, остручуваат и ќе ја градат својата професионална кариера.