Македонија

Променливо облачно со температура до 14 степени

Променливо облачно со температура до 14 степени

Времето во Македонија ќе биде променливо облачно, претпладне на исток со повремени врнежи од дожд, на планините со повремен снег, а попладне ќе има почести сончеви периоди. Ќе дува слаб претежно јужен ветер.

Утринската температура ќе се движи од два до осум, а дневната од 10 до 14 степени.

Во Скопје времето ќе биде променливо облачно, во попладневните часови со почести сончеви периоди, а преку денот ќе дува слаб јужен ветер. Утринската температура ќе се спушти до четири, а дневната ќе се искачи до 12 степени

Во следните денови ќе продолжи периодот на променливо облачно време со повремени врнежи од дожд, а на планините врнежите ќе бидат повремено со снег. Поинтензивни врнежи ќе има во среда преку денот кога наместа ќе наврнат и над 20 литри на метар квадратен, а преку денот ќе дува умерен јужен ветер.