Пропадна импичментот за Иванов: Гласаа само 35 од вкупно 123 пратеници

Пропадна импичментот поднесен од опозициските партии. Во Собранието на Република Македонија за денеска беше одржано продолжение на расправата за Предлогот за покренување постапка за утврдување одговорност на претседателот Ѓорге Иванов, поднесен од пратениците од опозицијата.

На дебатата во рамки на 105-тата седница, која трае веќе пет дена, пратениците расправаа за одговорноста на Иванов за одлуката за аболиција и за подоцнежното повлекување.

За да успее потребно беше 2/3 мнозинство односно 82 од 123 пратеници да гласаат за негово разрешување од функцијата претседател. Денеска не само што не гласаа 82 пратеници со ЗА туку не гласаа ниту вкупно 82 пратеници, туку само 35.

Во досегашната расправа пратениците од ВМРО-ДПМНЕ оценија дека иницијативата на опозицијата е несонована, а тие од СДСМ и ДУИ сметаат дека претседателот мора да сноси одговорност за помилувањето и треба да биде отповикан.

Инаку претседателот Иванов, на претседателските избори во 2014 година освои 534.910 гласови.

Доколку преземете содржина од оваа страница, во целост сте се согласиле со нејзините Услови за користење.