Просечната нето плата во март 22.445 денари

Просечната месечна исплатена нето-плата по вработен, во март 2017, изнесувала 22.445 денари и е за 1,8 отсто повисока во однос на март лани, соопшти Државниот завод за статистика.

Ваквото зголемување се должи, пред сè, на повисоките нето-плати во секторите: финансиски дејности и дејности на осигурување (7,5 отсто), рударство и вадење на камен (7,2 осто) и уметност, забава и рекреација (6,7 отсто).

Просечната месечна исплатена бруто-плата, пак, во март 2017 изнесувала 32.999 денари.

Во март годинава, 1,3 проценти од вработените во Република Македонија не примиле плата.

Доколку преземете содржина од оваа страница, во целост сте се согласиле со нејзините Услови за користење.