Протестот што вечерва го организираше граѓанската иницијатива „Протестирам“ заврши пред Владата.
Поворката започна како и изминатите денови од пред Специјалното јавно обвинителство каде учесниците на протестот искажаа поддршка за неговата работа по што поминаа покрај седиштето на Делегацијата на ЕУ, и се упатија кон новата зграда на Агенцијата за аудио и аудиовизуелни медиумски услуги. Врз објектот пред кој беше поставен полициски кордон, демонстрантите фрлаа боја. Оттаму, се упатија кон Владата.
Од „Протестирам“ и вечерва ги повторија своите барања меѓу кои се повлекување на одлуките за аболиција и за одржување на парламентарни избори на 5 јуни, оставка на претседателот Ѓорге Иванов, присуство на независни претставници на граѓанското општество во решавањето на кризата и формирање преодна влада која докрај ќе ги имплементира итните реформски приоритети од извештајот на Прибе.