Првиот Британец заразен од ебола пристигна дома

Првиот Британец заразен со ебола пристигна во Велика Британија од Сиера Леоне.  Воениот транспортен авион С-17 слета во воената база „Нортхолт“ во Западен Лондон.

Пациентот, чиј идентитет не е објавен, ќе биде пренесен во Кралската слободна болница во северниот дел на градот. Тоа е единствениот медицински центар во земјата што има неопходно ниво на изолација за лекување на заразни болести, како што е еболата.

Британскиот граѓанин живеел постојано во Сиера Леоне.

За време на полетувањето од африканската земја неговата здравствена состојба била задоволителна, соопшти британското министерство за здравство.

 

Доколку преземете содржина од оваа страница, во целост сте се согласиле со нејзините Услови за користење.