петок, 25 ноември 2016  |  Вести денес: 63

Психијатриско лекување за осомничениот за убиството на полицаецот во Средорек

ОЈО Куманово го добило вештачењето за состојбата во која се наоѓал и се наоѓа осомничениот за убиството на полицискиот службеник, што по наредба на надлежен јавен обвинител ги подготви ЈЗУ Психијатриска болница Скопје

ojo

Последни вести

Предлог за определување мерка, задолжително психијатриско лекување и чување во здравствена установа, побара Основното јавно обвинителство Куманово за осомничениот за убиството на полицискиот службеник, што се случи во јули годинава во кумановската населба Средорек, соопшти денеска Обвинителството.

Во соопштението се наведува дека ОЈО Куманово го добило вештачењето за состојбата во која се наоѓал и се наоѓа осомничениот за убиството на полицискиот службеник, што по наредба на надлежен јавен обвинител ги подготви ЈЗУ Психијатриска болница Скопје.

– Согледувајќи ги наодите и мислењето кои укажуваат на непресметливост на лицето, јавниот обвинител до Основниот суд Куманово, достави предлог за определување на мерка задолжително психијатриско лекување и чување во здравствена установа, се наведува во соопштението.

Настанот се случи во јули годинава кога при интервенција по пријава за семејно насилство животот го загуби еден припадник на полициските сили. Пријавениот за семејно насилство, нападна четворицата полицајци кои дошле во неговиот дом, при што на едниот му нанел фатален убод со нож во пределот на грбот. Поради сериозноста на повредата, полицаецот почина, а напаѓачот, лице кое претходно повеќе пати било хоспитализирано за психијатриско лекување, беше притворен.

Истрагата за овој кривично правен настан, се вели во соопштението од Обвинителството, продолжува во насока на утврдување на евентуална одговорност на други лица.

Најчитани вести