Македонија

Публиката во Азербејџан воодушевена од настапот на КУД „Дримкол“

Публиката во Азербејџан воодушевена од настапот на КУД „Дримкол“

Во рамки на манифестацијата Денови на македонското културно наследство во Азербејџан, која од 9-ти до 11 ноември се одржува во градовите Баку и Агсу Културно-уметничкото друштво „Дримкол“ од Вевчани одржа целовечерен концерт.

– КУД Дримкол во преполната сала во Агсу ја одушеви публиката со традиционални игри, изворни песни носии од различни краишта на Македонија. На концертот присуствуваа значајни личности од политичкиот свет, уметници и претставаници на Министерството за култура на Азербејџан. За прекрасниот концерт јавно на сцената се заблагодари и градоначалникот на Агсу, а два часа беа потребни за публиката по концертот да ја напушти салата, во која се сликаше со играорците на „Дримкол“, соопшти КУД од Вевчани.

Манифестацијата се одржува во престолнината Баку и во градот Агсу кој важи за културна ризница на Азербејџан.