Македонија

Пуштен во употреба локален пат во прилепско, инвестиција вредна 260.000 евра

Пуштен во употреба локален пат во прилепско, инвестиција вредна 260.000 евра

Локалниот пат во општина Прилеп помеѓу селата Клепач и Ерековци во должина од 2,5 километри, денеска беше пуштен во употреба. Инвестицијата е вредна 260.000 евра.

Според министерот за транспорт и врски Миле Јанакиески, целата општина е офатена со локална инфраструктура.

– Речиси сите населени места имаат асфалтен пат. Тоа е дел од програмата на градоначалникот на Прилеп Марјан Ристески, но и од владината програма за локалната патна инфраструктура. Ова беше главно барање на жителите од двете населени места кои за прв пат добија асфалтна сообраќајница со што им се олесни животот, истакна министерот.

25001660313 917472108264534

Јанакиески појасни дека со владината програма за изградба на локални патишта во земјава, инвестиција од 150 милиони евра, остануваат да се изградат уште 75 локалнипатишта.

Градоначалникот на Прилеп Марјан Ристески смета дека на ваков начин е решен децениски проблем за жителите од селата Клепач и Ерековци.

– Досега жителите од Клепач мораа преку Битола да стигнат до Прилеп. Сега со овој пат им се олесни и им се скрати патувањето, подвлече Ристовски и додаде дека локалната самоуправа ажурно ја спроведува програмата сите населени места да бидат опфатени со асфалтирана инфраструктура.

350014606 917472134931198 4