Сите заинтересирани гледачи кои сакаат да бидат дел од историскиот меч на Вардар во новата Арена во СЦ „Јане Сандански“ на мечот со Чеховски медведи на 4 октомври, од утре (вторник) ќе може да си купат и поединечен билет за истиот натпревар.
Откако повеќе од 3.500 блок билети се купени како сезонски за сите пет домашни натпревари во Лигата на шампионите, за поединечна продажба се останати околу 1.500 билети, во блоковите за седење. Тие ќе бидат по цена од 350 денари, само за натпреварот со рускиот првак Чеховски Медведи.
Дополнително ќе бидат пуштени и околу 800 билети за стоење во дел од секторите каде за тоа има место, а нивната цена ќе биде 500 денари. Тие до среда ќе се продаваат како блок билети, а потоа и поединечно за натпреварот по цена од 120 денари.
Билетите може да се купат од вторник од 9 часот на билетарата на СЦ „Јане Сандански“ или он лајн преку продажната мрежа на MKtickets.mk.
Работно време на билетарата во СЦ „Јане Сандански“ е од 9 до 21 часот секој работен ден.