Македонија

Пуштено во употреба повеќенаменско игралиште во Радовиш

Пуштено во употреба повеќенаменско игралиште во Радовиш

Полека но сигурно ја менуваме спортската мапа на Македонија и градиме концепт на здрава нација и концепт на психо-физички здрава младина. Ова меѓу другото го истакна Директорот на Агенцијата за млади и спорт Марјан Спасевски на свеченото пуштање во употреба на новото мултифункционално игралиште во Радовиш изградено со средства на Агенцијата за млади и спорт, во рамки на проектот„Изградба на 100 повеќенаменски игралишта во Република Македонија“.

На отворањето на новото повеќенаменско игралиште во дворот на ООУ Никола Карев  присуствуваа и вицепремиерот и министер за финансии Зоран Ставревски и градоначалникот Сашко Николов.

igra_5

Градоначалникот Сашко Николов во своето излагање пред присутните гости кажа дека во општина Радовиш ги знаат придобивките од спортот и спортскиот развој на младите и дека посветуваат сериозно внимание на развојот на истиот.

igraliste_rd (3)

Потенцирајки го фактот дека сите спортски екипи во Радовиш целосно се финансирани од буџетот на општина Радовиш како и фактот дека е рестартирана и општинската лига во фудбал градоначалникот Николов вети дека покрај досега изградените спортски терени и фудбалски игралишта и понатаму во иднина на територијата на општина Радовиш ќе никнат голем број на нови игралишта и спортски терени.

igra_6

Вицепремиерот и Министер за финансии Зоран Ставревски истакна дека Владата на Република Македонија секогаш со радост и од срце ги финансира проектите од спортска инфраструктура.

– Градењето на спортски терени и спортски игралишта стана препознатлив бренд на Агенцијата за млади и спорт и на владата на Република Македонија, истакна Ставревски набројувајќи ги и останатите инфраструктурни проекти кои што заедно со Градоначалникот на општина Радовиш Сашко Николов ги имаат реализирано во општината.