Одлуката низа странски компании во Русија да ја ограничат активноста на своите системи на плаќање ќе има контрапродуктивни ефекти, ќе доведат до губење на пазарот кој за нив е профитабилен, смета рускиот претседател Владимир Путин.
Според неговите зборови, Русија ќе ги заштити своите интереси, a меѓу останатите ќе биде и формирање сопствен систем на плаќање, пренесува Итар тас.
„Жално е што некои компании одлучија да воведат извесни ограничувања, мислам дека тоа ќе доведе до губење на одредени сегменти на пазарот кој е профитабилен за нив,“ изјави Путин на состанокот на членовите на Одборот на советот на федерацијата.
„Но, тоа не е наша одлука, ние мораме да ги заштитиме своите интереси и тоа ќе го направиме,“ нагласи Путин.
Тој укажа дека земјите како што се Јапонија и Кина функционираат и тоа успешно. Тие на почетокот биле исклучиво национални, затворени во својот пазар, на своја територија, на своите луѓе, а сега според Путин стекнуваат се поголема популарност.Рускиот претседател додаде дека јапонскиот систем кој е формиран како нацинален, сега функционира во 200 земји.
„Зошто и ние не би го направиле тоа? Ако е неопходно тоа да се направи, ние ќе го направиме,“ истакна тој.
Путин нагласи дека Централната банка заедно со владата активно работи на тоа, иако ќе биде потребно време.
Виза и Мастер кард минатата недела престанаа да ги овозможат услугите за плаќање на клиентите на банката Русија, спрема која САД наметнаа санкции.
