НАТО го користи конфликтот во Украина за да се врати во живот, изјави рускиот претседател Владимир Путин, цитиран од светските новински агенции, пренесува Нетпрес.
– Кризата во Украина, која во суштина беше испровоцирана и создадена од некои од нашите западни партнери, моментно се користи за реанимирање на тој воен блок. Русија многупати предупредувала дека треба да дава одговор на такви дејствија и да презема адекватни мерки, за да ја гарантира својата безбедност, рекол Путин на средба во Москва, за плановите на земјата за модернизирање на нејзиниот оружен арсенал.
Тој додал дека неговата земја, е фокусирана на разработувањето на нови стратешки нуклеарни оружја, на воздушно-вселенска одбрана и на конвенционални оружја со висока прецизност.
Путин дополнил дека Руската федерација не намерава да ги нарушува искуствата и соработката со своите странски партнери и дека земјата нема да влегува во нов натпревар во вооружување и покрај тоа што „некои сили го сакаат токму тоа“.