Обидите за воспоставување униполарен свет пропаднаа и рамнотежата на меѓународната сцена повторно се враќа, изјави денеска рускиот претседател Валдимир Путин за руската НТВ.
– Ситуацијата се менува. Мислам дека не е тајна и дека сите може да видат како многумина наши партнери повеќе користат норми на меѓународното право, бидејќи рамнотежата во светот постепено се враќа. Обидите за униполарен свет пропаднаа, изјави Путин.
Според него, Русија иако ги штити своите национални интереси ги почитува и интересите на другите.
– Така ќе ги развиваме односите со сите наши партнери, истакна Путин.
Во врска со новоизбраниот американски претседател Доналд Трамп, рускиот претседател вели дека тој е „паметен човек“ кој ќе биде одговорен на новата функција.