Палестинците имаат право да основаат независна, одржлива, територијално поврзана држава со главен град во источен Ерусалим, истакна претседателот на Русија Владимир Путин во своето поздравно обраќање пред шефовите на држави и влади на Арапската лига, кои денес учевствуваат на самитот во египетското летувалиште Шарм ел-Шеик.
„Русија ќе продолжи да придонесува за да се постигне таа цел, дејствувајќи преку билатералните канали и мултилатералните тела, вклучително и кај четворката мировни посредници на Блискиот Исток (САД, Русија, ЕУ и ОН)“, се наведува во документот објавен на веб страната на претседателот на Русија, цитиран од ТАСС.