Рускиот претседател Владимир Путин побара од Советот за национална безбедност на Русија темелно да ја анализира мигрантската криза во Европа.
Тој, исто така, нареди и руската политика, доколку биде потребно, да се прилагоди во таа сфера, како и постојано да се следат заканите поврзани со тоа.
– Треба да се изврши анализа на ситуацијата и да се извлечат соодветни заклучоци од мигрантската криза во Европа, а нашите акции да се прилагодат доколку е потребно, имајќи ги предвид постоечките и потенцијалните закани, истакна Путин на седницата на рускиот Совет за национална безбедност, посветена на унапредување на мигрантската политика.
Шефот на руската држава додаде дека е важно „постојано да се следи развојот на настаните на Блискиот Исток и во другите региони, од каде може да тргне нов мигрантски бран“.
