Проектот е финансиран од Советот на Европа и Министерството за надворешни работи на Кралството Холандија и спроведуван од страна на Советот на Европа.
Целта на проектот е да обезбеди поддршка на националните власти во процесот на воспоставување на независен и ефикасен надворешен механизам за контрола на работата на полицијата. Овој механизам е од суштинска важност за функционирањето на една демократска и одговорна полициска служба, која мора да биде способна да се справува со широкиот опсег наводи против полицијата на соодветен и пропорционален начин, во согласност со сериозноста на жалбата поднесена од жалителот и импликациите од истата во однос на засегнатиот полициски службеник.
Очекуван резултат на проектот е да се идентификува најсоодветниот модел на независен механизам за контрола на работата на полицијата, кој ќе биде презентиран пред пошироката стручна јавност и прифатен од страна на релевантните национални чинители и лицата кои ги донесуваат одлуките.
Поздравни обраќања на промоцијата, меѓудругите, треба да имаат министерот за внатрешни работи Оливер Спасовски и амбасадорот на Кралството Холандија Ваутер Пломп.