среда, 24 мај 2017  |  Вести денес: 35

Ракометарите од „Вардар“ се дружеа со учениците од ОУ „Кочо Рацин“

Дваесетина дечиња од основното училиште „Кочо Рацин" се растрчаа по паркетот на последниот тренинг на нашиот шампион Вардар пред натпреварот, в сабота, со белоруски Мешков Брест. Немаше крај на детската возбуда и среќа додека се сликаа со своите идоли. Додека едните ги засукаа ракавите и почнаа да собираат автограми, други искористија можност да си ја подаваат топката со играчите од црвено – црниот тим.

ракомет

Поврзани вести

Детскиот џагор со салата внесе несекојдневна енергија во која уживаа и вардарци Мијајло Марсениќ, Тимур Дибиров, Стојанче Стоилов, Даниил Шишкарев, Алекс Душебаев, Фереира Мораес Рожерио, Лука Циндриќ, Александар Деревен, Вуко Борозан, Хорхе Македа и Иван Чупиќ, исполнувајќи им ги барањата и желбите на децата од 2.а одделение.

„Дојдовме да ги видиме ракометарите. Јас не знам да играм ракомет, но сакам да тренирам”, вели второ одделенката Миа Милошевска.

Нејзината другарка Луна Јачев беше облечена во црвен дрес и ја користеше секоја можност да собере што повеќе автограми.

„Јас дојдов да играм со ракометарите на Вардар. Сега не тренирам ракомет, одам на пливање, ама навивам за Вардар”, рече Луна, повикувајќи ја групата дечиња во хор гласно да навиваат – Вардар, Вардар, Вардар…

Нашиот шампион в сабота го игра последниот натпревар од СЕХА лигата „Газпром” за оваа година, по што играчите одат на пауза до февруари следната година.

Најчитани вести