Вие драги мои од раководството на СДСМ не сте политичари, вие сте обични марионети, кукли, извршители на туѓи агенди, без никаква идеја, без никаква визија, кои се криете зад некои поими како што се слобода и демократија, сакајќи да ги монополизирате, мислејќи дека само вие имате право да кажувате што е тоа слобода и демократија а што не е. А притоа нвредувате, лажете, манипулирате, креирате, покажувате гнев и омраза, а всушност слабост, и најважно од се, свесни сте дека не ви оди. Викате нема медиуми а не сте симнати од екраните и од весниците и порталите, викате нема слобода, а на глава ни се качувате најслободно пуштајќи се и сешто што ќе ви падне на памет, брукајќи ја целата држава, порача премиерот Груевски од Тетово.
Мислат дека на најбрутален и подмолен начин ќе влезат во животите на сите нас, ќе измонтираат или прикажат во друг контекст наши разговори, ќе сечат, ќе лепат, ќе манипулираат, и дека тоа е доволно да ги одбере народ, да може да се наречат себе си политичари, додаде премирот.
Тој нагласи дека сепак народот знае многу добро да препознае. Народот знае што значи да се бориш за Македонија.