Македонија

Расте свеста за присутноста на аутизмот во општеството

Расте свеста за присутноста на аутизмот во општеството
Расте свеста за присутноста на аутизмот во општеството

 

Месец април, освен што започнува со светскиот ден на шегата и голем број на маски, истиот е познат и како месец на подигнување на свеста за аутизмот. Аутистичните лица, поради сеуште неоткриен лек и дијагноза, имаат една маска која ниту предизвикува смеа, ниту може да се извади и заборави. Од 2010 година, Македонија, покрај голем број на земји низ светот, е вклучена во одбележувањето на Меѓународниот ден на лицата со аутизам, а заинтересираноста како и желбата за информираност кај граѓаните е сè поголема.

Иако аутизмот е нарушување кое се дијагностицира и надгледува од психолошка гледна точка, истото е важно да се разгледа и согледува малку поразлично.

Според голем број на научни истражувања во светот, утврдено е дека лицата со аутистични заболувања имаат слаб имунитет, според кое потребно е нивната исхрана да изобилува со утврдена доза на одредени витамини и состојки во секојдневните оброци. Тие имаат слаба отпорност на разни инфекции кои можат дополнително да им го нарушат здравјето. Аутистичните лица се многу чувствителни на глутен како и кога доаѓаат во допир со хемикалии. Нивниот организам има намалена способност да исфрла токсини.

Функцијата на мозокот кај овие лица може значително да се подобри со внесување на одредени состојки и производи, како што е свежата и здрава храна, која најбезбедно е да е од проверено органско потекло со цел избегнување на можни конзерванси, хемикалии и токсини. Важен и корисен за функцијата на мозокот е и селенот, ензимите од ананас и папаја, Б витамините, гинко билобата, и слични состојки кои можат да ја подобрат менталната функција кај овие лица за одреден степен.

Оваа година, на 2 април, како и насекаде во светот, во Скопје се одбележа Меѓународниот ден на лицата со аутизам, настан организиран во Зоолошката градина, од страна на Здружението за третман на лицата со аутизам, АДХД и Апсергеров синдром „Во мојот свет“. Настанот беше подржан и од голем број на познати лица, компании и институции, вклучувајќи ги Златно Славејче, Ребека, Џафер, браќата Тавитјан, Биокулт, Шпаркасе Банка и многу други. Покровител на настанот беше г-ѓа Маја Иванова, сопруга на Претседателот на Република Македонија, која ја посочи важноста во блиска иднина да се отвори дијагностички центар за аутизам како и регистар за заболените лица во Македонија.

„Мислам дека е навистина од голема важност да се зголеми свеста во јавноста за лицата кои се заболени со аутизам, како и да се подобри општото и стереотипично размислување за нивното вклучување во општеството и секојдневниот живот. Тие иако се лица кои спаѓаат во ранлива категорија на граѓани, сепак во одредени сфери можат да бидат вистински генијалци и да создадат нешто кое било кој друг не би можел ниту да го замисли. Биокулт постои веќе 5 години, и месецов го прославува својот јубилеј, па вклучувањето во настан од ваков вид е само мал дел од мисијата на брендот да ја зголемува својата социјално општествена одговорност. И професионално и индивидуално, знам што значи да се негува и чува здравјето. Она кое што со сигурност го знам е дека здравјето нема цена, а токму таа нега најпрво бара голема посветеност и почит кон сопственото тело. Драго ми е што го подржуваме овој настан, а ја поздравувам и одлуката на сите индивидуалци како и компании и здруженија кои на свој начин помагаат да се одбележи овој меѓународен ден на лицата со аутизам и кај нас.“ изјави Иван Јовановски, генерален менаџер на Биокулт.

DSC_8050