Летото е период кога пазарите и продавниците изобилуваат со секакво овошје и зеленчук, а голем број од нас го користат ово период за да направат мармалад, слатко, компот или конзервирано овошје.
Еве еден рецепт како да подготвите несекојдневен мармалад од праски со рузмарин.
Состојки:
- 1,5 кг праски
- 500 гр шеќер
- 2 лажици сок од лимон
- 4 млади гранчиња рузмарин со должина од околу 10 сантиметри
Подготовка:
- Измијте ги праските, излупете ги и исчистете ги семките. Исечете ги на резенки и врз нив ставете шеќер и сок од лимон, додадете рузмарин и оставете ги во затворен сад да отстојат околу 4 часа. Повремено промешајте.
- Варете во длабоко тенџере со повремено мешање, а по десетина минути извадете го рузмаринот. Варете додека не добиете густа смеса, како сируп.
- Пред крај на варењето извадете ја пената, а на самиот крај притиснете ги покрупните парчиња ораски со лажица за пасирање или на крај промешајте ги со миксер.
- Ставете го врелиот мармалад во стерилизирани тегли и оставете ги завиткани додека целосно не се оладат.
