Рецепт: Пилешко во јогурт и сенф за вистински гурмани

Ако не сакате многу да готвите и да подготвувате јадења, овој рецепт веднаш ќе го засакате затоа што е мошне едноставен, а  вкусот и мирисот се фантастични. Само треба внимателно да ги следите упатствата и да уживате во вкусен ручек!

Состојки:

  • 300  грама пилешки гради (бело месо)
  • 1 немастен јогурт
  • 1 мала лажичка сенф
  • Малку сол и бибер
  • Магдoнос
  • 1 мала лажичка куркума
  • Неколку семки коријандер

Подготовка:

Пилешкото филе (без кожа) се сече на коцкички и се пече околу 5 мин во тава без маснотии. Повремено протресете ја тавата за пилешкото да се испече подеднакво.

По ова налејте јогурт, додадете сенф, сол и бибер, како и куркума и малку здробени семки коријандер. Промешајте па динстајте и понатаму на умерена температура додека целата течност не зоврие уште околу 5 минути.

Пред самиот крај на динстањето додадете ситно исечкан магдонос.

Ова пилешко може да го послужите со прилог од ориз или некоја освежителна летна салата.

Доколку преземете содржина од оваа страница, во целост сте се согласиле со нејзините Услови за користење.