Балкан

Религијата не треба да биде оправдување за насилство, порача Папата од Албанија

Религијата не треба да биде оправдување за насилство, порача Папата од Албанија

Папата Францис, кој пристигна на 11-часовна посета на Албанија,го пофали мирниот соживот на вероисповед во земјата и посочи дека никој не треба да користи религијата како оправдување на насилството.

“Никој да не си помисли да го направи Бога во штит, кога планира или врши акти на пркос и насилство. Никој да не ја користи религијата како оправдување на сопствените активности во спротивност на достоинството на човекот и основните слободи”, рече папата. Според него албанскиот политички систем и складен соживот меѓу религиите, кој егзистира во Албанија, може да послужи како образец.

Поглаварот на римокатоличката црква особено го пофали однесувањето на албанските политички и верски водачи. “Атмосферата на почит и меѓусебна доверба меѓу католиците, православните и муслиманите е драгоцено добро за земјата и има посебно значење во нашата епоха”, истакна тој. Според него вистинското религиозно чувство е “изопачено од екстремистичките групи кои ги искривуваат разликите помеѓу различните вери и ги претворат во опасен фактор за спротивставување и насилство”.