Мирослав Матиќ (32) е уапсен поради сомнеж дека пред неколку дена го уби 41- годишниот Македонец Чира Тренески, таксист во компанијата „Пинк такси”.
Кај осомничениот е пронајдена автоматска пушка, со која, како што се претпоставува, во четвртокот вечерта е извршено двојно убиство.
Покрај Македонецот, кој работел како таксист во Белград, убиен е и 39- годишниот Мирослав Чворовиќ, кој застанал кога го видел такси- возилото на Тренески во канал.
-Според сите сознанија, Матиќ го убил таксистот со автоматска пушка затоа што немал пари да плати за возењето. Потоа го изрешетал и Чворовиќ, кој застанал со својата кола кога го видел заглавен такси-автомобилот во каналот. По злосторството тргнал кај сестра си, кај која дошол во посета. Таму ја сокрил автоматската пушка. Таа е пронајдена и дадена на вештачење. Се уште се трага по автомобилот марка „југо“, кој бил во сопственост на втората жртва, наведува соговорник за српски Курир.
Доколку преземете содржина од оваа страница, во целост сте се согласиле со нејзините Услови за користење.