Оскаровката Рис Витерспун е најдобро облечена личност во 2015-тата година, според оцената на магазинот „Пипл“.
Витерспун често е на листите на најдобро облечените луѓе, а иронично, беше една од оние што ја покренаа кампањата #AskHerMore на доделувањето на Оскарите годинава, кога новинарите беа повикани актерките на црвениот тепих да ги прашаат за нивните улоги, а не за фустаните што ги носат.
На листата на најдобро облечени се најдоа и актерките Џулијен Мур, Кејт Хадсон и 15-годишната Кирнан Шипка од серијата „Луѓе од Менхетен“.
„Пипл“ магазинот ги избра најдобро облечените двојки – актерката Габриел Јуниот и кошаркарот Двејн Вејд, пејачот Џон Леџенд и манекенката Криси Тејген, актерите Ченинг Тејтум и Џена Џуан Тејтум.
