среда, 7 декември 2016  |  Вести денес: 56

Ристовски: На 11 декември крај на деструктивноста на СДСМ

Ристовски очекува на 11 декември граѓаните на Република Македонија масовно да излезат, да стават крај на оваа деструкција која што беше креирана од СДСМ и да се продолжи со една масовна поддршка за ВМРО ДПМНЕ.

spiro-ristovski-5

Последни вести

Во рамки на средбите со граѓани кои ги остваруваат функционери на ВМРО-ДПМНЕ Спиро Ристовски денеска  оствари средби со жителите на Гостивар.

„Во изминатиот период во редовните и чести средби кои што ги имавме со граѓаните од сите градови вклучително и од Гостивар беа разгледувани голем број на процеси и проекти кои што беа од локално значење на секоја општина поединечно вклучително и за Гостивар, ние како Влада реализиравме голем број на проекти и останаа и голем број на проекти кои што треба да се реализираат во следниот период, а кои што се за потребите за граѓаните од општина Гостивар. Јас сум повеќе од сигурен дека она што значат инвестиции и реални проекти се основната желба на секој граѓанин во Република Македонија, реализација на истите, а ВМРО ДПМНЕ во изминатиот период покажа и докажа во многу наврати, на многу места и со голем број на проекти дека е политичка партија која што држи до дадениот збор, политичка партија која што кога ќе понуди извесни проекти или програма, целокупното свое залагање на еден начин го фокусира да бидат успешно реализирани сите овие проекти“, рече Ристовски.

spiro-ristovski

Додаде дека очекува на 11 декември граѓаните на Република Македонија масовно да излезат, да стават крај на оваа деструкција која што беше креирана од СДСМ и да се продолжи со една масовна поддршка за ВМРО ДПМНЕ.

„Со тоа се дава поддршка во развојот на Република Македонија и градењето на Република Македонија во секој град во секое село, онака како што најмногу им треба на граѓаните, а ВМРО ДПМНЕ ја има најголемата обврска тоа да го реализира на тој начин“, заклучи Ристовски.

Најчитани вести