петок, 31 март 2017  |  Вести денес: 0

Ристовски на првиот академски час за студентите на штипскиот универзитет „Гоце Делчев“

Универзитетот „Гоце Делчев“ за многу кратко време дојде во ситуација да биде второ рангиран во Република Македонија. Универзитет кој што се повеќе и повеќе се развива и кој што има специфични катедри, карактеристични само за овој универзитет, а со тоа придонесува за целокупниот развој на универзитетот, а преку неговиот развој очигледен е и развојот на градот Штип и на целиот источен регион, истакна Ристовски.

133342782

Последни вести

Почна акдемската 2016-2017 година на сите факултети на универзитетот „Гоце Делчев“ (УГД) – Штип. Првиот академски час студентите од сите факултети го имаа во Мултимедијалниот центар на Економскиот факултет, а на свеченоста им се обратија заменик министерот за образование, Спиро Ристовски и ректорот на УГД-Штип, Блажо Боев.

Заменик министерот за образование, Ристовски истакна дека денеска е присутен на првиот академски час на најбрзо растечкиот универзитет во земјава.

– Универзитетот „Гоце Делчев“ за многу кратко време дојде во ситуација да биде второ рангиран во Република Македонија. Универзитет кој што се повеќе и повеќе се развива и кој што има специфични катедри, карактеристични само за овој универзитет, а со тоа придонесува за целокупниот развој на универзитетот, а преку неговиот развој очигледен е и развојот на градот Штип и на целиот источен регион. Со што оваа десетта јубилејна година на ново запишаните студенти им посакувам и на студенти кои студираат на овој и на другите универзитети во Република Македонија успешна академска година, рече Ристовски.

Ректорот на УГД-Штип, Боев истакна дека во прва година на 13-те факултети и трите академии на штипскиот универзитет „Гоце Делчев“ се запишани 2.300 студенти, а вкупниот број  кои студираат е околу 11.000 студенти.

– Сите услови се обезбедени на универзитетот за почеток на академската година. Сите објекти се спремни и сите професори се обезбедени, така да никаков проблем нема да има за почетокот на првиот академски час. Наставата и официјално ќе почне во понеделник и тоа во најдобар ред, рече Боев.

Тој во своето обраќање на студенти им порача дека изборот кој го направиле запишувајќи се на некој од факултетите и академиите е нивен добар избор

Најчитани вести