Ристовски: ВМРО-ДПМНЕ ќе продолжи да биде столб на развојот на економијата на Македонија

Во рамки на средбите со граѓани кои ги остваруваат високите функционери на ВМРО-ДПМНЕ, денеска во Старо Нагоричане е Спиро Ристовски.

Целта на средбите со граѓани е да се соберат идеи кои би биле дел од изборната програма за претстојните избори на 11 декември.

Ристовски покрај средбите со граѓани го посети и интернатот кој што беше реновиран од страна на Министерството за образование и наука.

-Со оглед на фактот што ВМРО-ДПМНЕ се карактеризира со одговорност  и отчетност пред граѓаните, ние како претставници на нашата политичка партија на секоја средба можеме искрено со граѓаните  да поразговараме по однос на сите проекти и реформи кои што ги спроведовме до сега и сите ветувања кои што се од исклучително значење за граѓаните заради тоа што имаме резултати кои што тоа го говорат. Според тоа очекувам дека на 11 декември граѓаните на Република Македонија како и многу пати до сега ќе ја потврдат нивната поддршка за ВМРО-ДПМНЕ, вели Ристовски.

spiro

Додава дека ВМРО-ДПМНЕ ќе продолжи да биде столб на развојот на економијата на Македонија, како што е потврдата преку извештајот на Светска Банка, каде Македонија е рангирана 10-та во светот односно 5-та во Европа за водење бизнис.

Доколку преземете содржина од оваа страница, во целост сте се согласиле со нејзините Услови за користење.