Најзаслужниот за освоената титула во Лигата на шампиони, стрелецот на победничкиот погодок во финалниот натпревар, холандскиот интернационалец, Ариен Робен, откри дека сака да потпише нов договор за актуелниот светски и европски клупски шампион, Баерн (М).
„Убеден сум дека можам да играм во топ-форма и во следните три сезони. Сакам да останам на “Алианс Арена”, сакам и понатаму да бидам дел од Баерн (М). Сите во клубот се свесни дека имам се што е потребно, дека сум квалитетен фудбалер и дека можам многу да му помогнам на Баерн (М)”, изјави крилниот напаѓач.
Репрезентативецот на Холандија има договор со Баерн (М) до 2015 година, а според последните информации кои пристигнуваат од Минхен, преговорите околу новиот договор треба да стартуваат во месец март.
