Дефанзивецот на Волфсбург, Рикардо Родригез, кој беше желба на неколку големи клубови го продолжи договорот со овој бундеслигаш на уште четири години.
Искусниот Швајцарец кој играше на Мундијалот во Бразил е во одлична форма од почетокот на сезоната.
Одбранбениот фудбалер му помогна на Волфсбург да стигне до второто место на табелата.
Родригез, кој во 2012-та година му се придружи на тимот на Волфсбург од Цирих, важи за еден од најдобрите дефанзивни играчи во Бундеслигата.
Фудбалскиот репрезентативец на Швајцарија за клубот постигна 8 погодоци со 16 асистенции и 87 одиграни натпревари вклучувајќи три гола оваа сезона.