Спорт

Русија и Англија го одиграа првото реми на ЕУРО 2016

Русија и Англија го одиграа првото реми на ЕУРО 2016

Фудбалерите на Русија и на Англија синоќа на „Велодром“ во Марсеј ремизираа играјќи 1:1, што претставува прв нерешен резултат на Европското првенство во Франција.

Англичаните поведоа во 73. минута со погодокот на Ерик Дајер од слободен удар, а бод за Русија донесе Василиј Березутски во судиското надополнување.

На овој дуел му претходеа низа инциденти меѓу навивачите на двете репрезентации предизвикани од англиските хулигани, судир имаше и на трибините по завршување на натпреварот.

На првиот меч од 1.коло во групата Б, Велс забележа победа над Словачка со 2:1.

Табела: Велс 3 бода, Русија 1, Англија 1, Словачка 0.

Три натпревари се играат и денеска на третиот ден од ЕУРО 2016.

Двојките се:

Турција – Хрватска (15 часот) и

Полска – Северна Ирска (18) од Ц-групата,

Украина – Германија (21) од Д-групата.