понеделник, 26 декември 2016  |  Вести денес: 0

Русија извела поголем број воздушни напади врз упориште на ИД во Сирија – Рака

Islamic State Jihadists expand foothold in northern Iraq

Последни вести

Во текот на последните неколку часа Русија извела значителен број воздушни напади врз упориште на Исламска држава во Сирија – градот Рака, изјави американски официјален претставник, цитиран од француските медиуми.

Русите за тоа претходно ги информирале Американците. Можно е нападите да биле изведени и со стрелање ракети од море и со бомбардери со голем опсег на дејствија, пренесува МИА.

Франција, исто така,  ја бомбардира Рака во текот на изминатата ноќ, вторпат во последните 24 часа.

Истовремено, воената коалиција предводена од САД, извела 23 воздушни напади врз цели на ИД во Сирија и Ирак, вклучувајќи и нафтени инсталации, што групата ги користи, информира командата на операцијата, цитирана од британските медиуми.

Во шест напади во близина на три сириски града погодени биле борбените позиции и нафтената инсталација кај Абу Камал, како и три нафтени инсталации кај Деир аз Зур.

Во Ирак, пак, во 17 напади крај шест града погодени биле мноштво цели, вклучувајќи и борбени позиции, патишта, тактички позиции и штаб на ИД во Синџар.

Најчитани вести