понеделник, 29 мај 2017  |  Вести денес: 43

Русија протерува 35 американски дипломати

lavrov-2

Последни вести

Русија ќе протера 35 дипломати како одговор на вчерашната одлука на американскиот претседател Барак Обама да протера 35 руски дипломати од САД. Тоа го нагласи рускиот министер за надворешни работи Сергеј Лавров во изјава за медиуми.

– Не може таква акција да не остане без одговор. Реципрочноста е основа во дипломатијата и меѓународните односи, изјави Лавров.

Според него, 31 дипломат од Москва и Санкт Петербург ќе бидат прогласени за персона-нон-грата. Рускиот претседател Владимир Путин се очекува да ја потпише одлуката.

САД вчера како одговор на наводното мешање на Русија во претседателските избори во САД воведоа остри санкции спрема Москва меѓу кои и протерување 35 руски дипломати и затворање два објекта.

– Наредив преземање повеќе акции како одговор на агресивното заплашување на руската влада кон американски лица и кибер операции чија цел биле американските избори, нагласи американскиот претседател Барак Обама.

Тие акции како што наведе не се целиот одговор на САД за „агресивните активности на Русија“.

– Ќе продолжиме да преземаме различни акции во време и место кое ќе го избереме, а дел од нив нема да бидат објавени, додаде тој. На руските дипломати им е дадено 72 часа да ги напушптат САД.

Најчитани вести